薤露行。胡首歸邱。

（案發現場，女兇手將一男子在床上殺死）

（醫院）
（護士喺度問病人情況）
醫生：正經啲啦！我話畀醫生知架。你重有冇肚痛呀？
病人：有呀，絞住痛呀，我去咗兩次廁所呀。

（周星星睇緊報紙）
陳百祥：哈哈哈！
（周星星將陳百祥推開）
陳百祥（又嚟）：哈哈哈！
（周星星將陳百祥推開）
陳百祥（第三次）：哈哈哈！
（阿敏喺周星星身邊出現）
（周星星只手差啲掂到阿敏對波）
（周星星縮手）
阿敏：星星！
周星星（躉低報紙）：喂，阿敏！
阿敏（拍住陳百祥膊頭）：表哥呀，你見點呀？
陳百祥：哎，我啲咁身經百戰嘅警務人員，啲皮外傷就當生暗瘡啦！（指周星星）哎，佢就唔同嘞，佢冇啲機會接觸啲咁高級嘅上司。
周星星：你並唔系我上司，甚至乎已經唔系警務人員，你已經畀警務處停咗職。我只系當你系一個普通證人噉嚟保護。
陳百祥：哎，我畀人屈嘅啫，遲早就水落石出。我出返嚟複職你就知。
阿敏：喂喂喂，你兩個一人少句啦！唔好嘈啦！
陳百祥：你叫佢有啲志氣得唔得？例如做嚇臥底噉。
阿敏：臥底？你咪叫佢做臥底添呀。我至憎人做臥底嘅。
阿敏（同周星星講）：星星呀，你應承過我以後都唔做臥底架呵？
周星星：系，不過做臥底都好過保護呢條茂尼。
陳百祥：我啲噉嘅身手使你保護？
周星星：弊在你由停職到而家已經畀仇家伏咗卅幾次度弊哩。
陳百祥（除鞋，想打交）：嚟吖！
周星星：嚟吖！
阿敏：喂喂喂，唔好嘈，唔好嘈，我潷湯畀你哋飲，我潷湯畀你飲嚇。

（護士問病人嘅情況）
護士：重有冇邊度覺得唔舒服架？
病人：個頭赤赤哋，重有少少暈。
阿敏：唔怪之得啦，住極都唔願意出院，原來呢度啲女護士咁靚嘅！（淥親手）淥親只手添。

病人：系喇姑娘，我幾時可以出院嗱？
（周星星聚精會神噉望緊嗰個女護士）
阿敏（忟）：喂，唔准望呀！我淥親只手都唔鬼理我！
周星星：出去捽嚇油油吖。
阿敏：唔准望架嚇。
周星星：邊有望啫？
（阿敏出去捽油）
（陳百祥嘅仇家又嚟伏佢）
（周星星撳低身邊個護士嘅頭）
護士（嬲）：做咩呀你？
周星星：正話好危險呀，你唔見咩？
護士：咩危險呀？你變態架？
周星星（嚟多鑊）：伏低！
護士：喂，好囉喎。
周星星：唔系哩，佢……
護士：你唔好當我好掐呀，你試嚇再嚟過吖！
（仇家一個個跨過周星星張床去追陳百祥）
（周星星又一次次將護士個頭撳低）
周星星：小心呀！小心！
護士（非常忟）：你個色魔！化咗灰我都認得你吖！

（周星星搞掂咗班友）
周星星（用槍制住班匪徒，然後打電話，用舌尖撥號）：總部，我系周星星，call我嚇嘩？
另一頭：系吖！
周星星：啱喇，我啱啱智破咗一個驚天嘅殺人集團，勇擒咗一班罪有應得嘅歹徒。你即刻嚟鎖人啦。
陳百祥：話我有份。
另一頭：黎Sir叫你即刻趕去現場呀。
周星星：我而家保護緊證人，唔行得開住。
另一頭：黎Sir叫你擗低曬所以嘢，即刻趕去現場。
周星星：真系要擗低曬？
另一頭：系吖。
周星星：噉好啦。（擗低支槍同手提，一支箭噉標出去）
陳百祥：喂喂喂，咪喐呀，等我執返支槍先。

阿敏（周圍揾周星星）：星星呢？
陳百祥（搞掂咗班友）：冚棒唥同我一字形趴埋牆。
阿敏：嘩！發生咩事呀？
陳百祥：佢畀總部急call咗去喇！

（罪案現場）
化學老師：喂，支試管漏架，幫我嚟只杯嚟頂住檔！
工作人員：哦！

手足：我即刻攞去化驗啦。
周星星（左右睇）：點呀？咩景況呀？
手足：兇殺案嚟架。
（周星星睇到床上嘅人影多咗條尾，覺得好奇怪）
周星星：借問聲，死者系人定系動物？
化學老師：系人。
周星星（指條尾）：系人又點會有條尾喺處嚟呢，請問？（撞正化學老師）
周星星：咦，你咪化學老師？
化學老師：你系邊位？
周星星（除咗副超）：我系周星星呀，喺第一集你教我化學嘅呢！
化學老師：我都唔記得我教過化學。我系法醫官，（除咗眼鏡）你系邊位呀？
周星星：周星星呀！
化學老師：你頭先問我咩話？
周星星：冇嘢。
化學老師：嘿，混吉嘅。（走開）

周星星（問手足）：有冇見黎Sir呀？
手足：你講邊位黎Sir呀？
周星星：嗰條茂尼呢，成日自稱辣手神探奇連伊士活花名打橫嚟嗰條茂尼呀！
黎Sir：嗰條茂尼只腳而家畀你踩住。（踩返周星星）
周星星：Sorry, Sir!
周星星：冇踩親吖嘛？
黎Sir：大庭廣衆噉踩法，踩到應應啦！
周星星：應呀！
周星星（手指指）：呢單凶案呢嚇……
黎Sir：嗱，呢單凶案呢就好殘忍。死者系個有錢佬叫做王百萬。雙手畀人綁喺床度，用冰插插死。床上面流咗好多精液喺度。同最近一部電影嘅橋段好相似。
周星星：噉call得我咁急有咩吩咐呢？
黎Sir：你睇嚇張相先啦。（畀張相周星星睇）
周星星：哎，做乜偷影人啲相喎。我嬲架。
黎Sir：呢張系死者張相。個樣同你生得一模一樣，不過多粒癦。
周星星：居然有啲噉嘅事？你想點呀？
黎Sir：梗系有好嘢益你啦。
周星星（打乞嗤）：乞嗤！（噴到黎Sir成面口水）
周星星（順手攞起張廁紙幫黎Sir抹面）：對你唔住，抹抹面。
黎Sir：哎！啲廁紙邊度攞架？
周星星：床邊攞嘅……
黎Sir：系死者用嚟抹嘢架。
周星星：抹咩呀？
黎Sir：你話呢？
周星星（抌咗廁紙）：唔——都冇壞嘅！咪當做嚇Facial囉。（順手攞起嗰只裝精液嘅紙杯一飲而盡）啱唔啱聽呀，黎Sir？
化學老師：頭先死者嗰杯精液去邊啊？（見到紙杯畀周星星摣住緊）哦，喺度。（看杯子）咦，點解冇曬嘅？
（周星星靜靜噉走入廁所，然後聽到嘔吐嘅聲音）
黎Sir：喂，僆仔，你知唔知破壞現場證物系好嚴重架？除非你聽我指示去做，如果唔系燉冬菇！

（黎Sir辦公室）
黎Sir：嗱，你嘅任務就系扮王百萬返佢屋企，監視佢嘅老婆湯茱迪同佢一個唔熟唔食嘅老友林大岳。呢兩個人殺佢嘅嫌疑最大。
周星星：然則即系要我做臥底噉話嘞喎嚇？
黎Sir：其實正確嘅名稱呢就叫做二五仔、鬼頭仔、邊緣人、金手指，或者系正衰人都得！
周星星（哭喪著臉）：我求嚇你，唔好叫我做臥底啦。我應承咗我條女唔再做啲噉嘅嘢。唔系我連老婆都冇埋！你當做嚇好心。你就當我系蘇乞兒噉可憐嚇我啦！恩公！（雙手摣實黎Sir嘅腳）
（黎Sir踩周星星，行到去門口）
黎Sir：你可以唔去呀！（開門）揾個人同我落charge，警務人員蓄意毀壞重要證物。
手足：Yeah, Sir!

周星星（扮女人發姣）：耶！你咁惡，想嚇死人咩？我唔去，一樣有第二個人去架啫。至多，你話點咪就點囉！乞人憎！
黎Sir：哼！麥當娜好似你噉“口危”我八次我都冇應承啦。何況你？
周星星：麥當熊咋啩？
黎Sir：麥當娜！
周星星：噉你當系畀嚇面唔使我去哩？
黎Sir：唔得！一定要你去！
周星星：噉你即系打橫嚟啫！
黎Sir：打橫嚟就系我花朵！你唔知咩？
周星星（將黎Sir“ung2”埋一邊）：豈有此理！嗱，做人處世咪話欺人太甚好喎！嗱，我本身系虎鶴雙形拳冠軍。鬼仔無影手呀，九陰白骨腳呀亦有幾十年造詣。好話唔好聽，我讓你雙手雙腳，淨系揾條脷都得“ faak”得死你噃。你系唔系一定要我去先？（鬆手，突然轉變態度）不過你系要我去，一定有你嘅原因嘅。我諗嚇諗嚇，都好尊重你嘅決定。好嗎？
黎Sir：好！
周星星：其實我好鍾意鬼頭仔呢個名嘅。
（原來黎Sir揾只槍指住周星星）
黎Sir：系你講架咋，唔系我屈你嚇。
周星星：傻架你！大家自己人你講啲噉嘅嘢？！你真系……，系咪唔當系FRIEND先？！

（陳百祥周圍揾人借錢，冇人睬佢）
陳百祥：一場同事，度住二三十萬嚟買層樓哩。（同事唔睬佢）睇你個衰仔就知你冇義氣。
（黎Sir同周星星行出黎Sir嘅辦公室）
黎Sir：我點都支援你架，你畀心機破案呀嚇。

（陳百祥見到周星星，走埋去周星星身邊）
陳百祥：未來表妹夫，相請不如偶遇，我請飲茶。不過而家度住兩萬先。
黎Sir：喂，你燉咗冬菇架咯喎。你重嚟拗爛腳？！唔好映衰曬呀！
陳百祥：我嚟報警得唔得呀？我畀女人非禮。
周星星：咪住，咪住。（問黎Sir）喂，你頭先話點都支援我架嚇嘩？
黎Sir：只要你肯做呀，托塔都得呀。
周星星：噉得喇！我就要佢做我助手！（指陳百祥）
（周星星趕去睇戲）
引座員（睇周星星手中嘅飛）：第三行第四個位。
（戲肉）
（周星星隔籬個豬扒嚇到攬實周星星）
周星星：使唔使咁驚呀？
豬扒：你理得我啫。
阿敏（坐喺隔籬）：喂，咁遲架？！
周星星：差館有嘢做吖嘛。點呀？出戲講到邊度呀？
阿敏：呢，講到個女人呢同個男人喺床度，嗰個女人用個冰插猛咁插佢。
（豬扒又嚟）
阿敏：喂，我有嘢同你講呀。
周星星：咩呀？
阿敏：我遲咗學校份工呀，我諗住全力幫我阿媽打理間花店。我諗住攞啲酒店呀，茶樓嘅訂單返嚟做呀。噉你話好唔好呀？
周星星：好！非常好呀！我都有啲嘢同你講喎。
阿敏：咩呀？
周星星：聽日開始我又要做臥底。
阿敏：你講咩？
周星星：我話聽日開始我又要做臥底。
阿敏（黑口黑面）：你唔厭嘅咩？
周星星：我厭呀，但系啲老世唔厭有乜辦法？（仰天長笑）
阿敏：今次扮邊個呀？
周星星：扮個女人嘅老公喎。
阿敏：邊鬼個女人嗱？
周星星：你唔好話畀人聽。（咬耳仔）八卦周刊成日出現嗰個湯茱迪呀。可以講嘅嘢系咁多，其他嘅嘢一切保密。你唔介意吖嘛？
（阿敏偷偷地搣周星星大髀，周星星痛到飛起，攬實隔籬個豬扒）
豬扒：使唔使咁驚呀？抑或想搏懵呀？
周星星：絕對系想搏你懵啦，白雪公主！
阿敏（嬲）：慢慢睇啦，我走嘞。借借！
周星星：喂，阿敏，喂！

（戲院外）
周星星（拉住阿敏）：阿敏，喂，你去邊啫？
阿敏：做咩啫？
周星星：你去邊啊？
阿敏：喂，你應承過我唔再做臥底家嘛，你都冇信用嘅！
周星星：你傻架？呢啲系命令嚟架嘛。我有乜辦法啫！
阿敏：聽晚系年三十晚。你應承過我去我屋企食飯架。
路人：唔該，借借！
周星星：冇得借！入去屙多涿啦！（推返入去）
周星星：少個人少雙筷啫，一樣咁好餸嘅。你乖乖哋……
阿敏：好，你去做嗰個湯茱迪嘅老公吖嘛？不男不女，古古怪怪，系咪要瞓埋同一張床添呀？
周星星：我好醒瞓架，絕對唔會做出啲咩事出嚟架。不過飲醉酒就難講啲。
阿敏：你陪人瞓吖嘛？我就陪男人去街。
周星星：嘩，噉你即系打橫嚟講嘅啫，你估我想嘅咩？工作嚟家嘛。
路人：唔該借借！
周星星：冇得借呀！
路人：我已經屙多咗一涿架嘞。
周星星：屙完尿屙屎啦！（推返入去）
阿敏：我唔理，總之你畀我知道你有咩景轟，就你敬我一尺，我敬你一丈。你陪一個人瞓，我就陪十個人瞓。
周星星：嘩！你作爲我條女講啲噉嘅嘢，你成咩體統呀？
（恐怖音樂）阿敏：未算！如果你對我唔住，我會好似戲裏便個女主角噉，睺你瞓著，綁你喺床頭，一冰鑿插死你！

（周星星屋企）
周星星（鋸床）：綁我喺床頭？唔好開玩笑！小心駛得萬年船。
阿敏：喂，你做咩呀？
周星星：冇嘢呀。
周星星（攬阿敏）：哎，沖完涼嗱？
阿敏：系。
阿敏：罰你寫埋遝揮春先。
周星星：好呀，聽日先啦。
阿敏：冇得傾！去啦！
周星星（卒之寫完咗啲揮春）：哎吖！好攰呀只手。寫住咁多先得唔得呀？
阿敏：只手攰咪用腳囉。

（周星星用腳寫揮春）
阿敏：嘩！好嘢喎。真系用腳寫呀？
周星星：唔系你當我Richard呀？
阿敏：真系幾叻喎。
周星星：我咁叻，噉你系咪越嚟越愛我啫？
阿敏：如果你真系咁叻，噉用腳食面吖笨！
周星星（用腳食面）：你講咩話？

（湯茱迪屋企，電話響）
湯茱迪（拎起電話）：喂！
黎Sir：喂，王太嚇嘩？我喺差館打嚟嘅。我哋喺新界揾到你先生王百萬呀。
湯茱迪：系？佢而家喺邊嗱？
黎Sir：喺差館，你即刻嚟接佢返屋企啦。
湯茱迪：唔該！
管家婆：少奶，正話有人送咗啲好靚嘅底衫褲嚟呀。
湯茱迪：黐線！系人都知我唔著底衫褲架啦。你攞去啦。
管家婆：系。
湯茱迪：我而家要出去接大少。
管家婆：系，少奶。

（差館）
黎Sir：你系劏豬凳，唔系，湯茱迪系嗎？
湯茱迪：叫我Judy。你揾到我老公呀？
黎Sir：啊，系吖，我哋喺新界揾到佢，佢神智又唔系好清醒，我哋懷疑佢頭部受咗重創。身上面一毫子都冇。可能畀人打劫都未定。
湯茱迪：畀女人打劫咋啩？（換一個坐姿）成班男人冇人食煙架？
黎Sir：王太，對唔住！呢間屋系唔准食煙嘅。
湯茱迪：食煙使唔使坐監呀？
黎Sir：哦，噉又唔使，不過要罰五千文！
湯茱迪（扐出一疊鈔票）：呢度有萬文，請埋你食。
黎Sir：王太，有錢唔系萬能嘅。
湯茱迪：錢唔系萬能，不過冇錢就好頭痕。

（周星星行入嚟，走去湯茱迪身邊）
（湯茱迪醒咗周星星一巴）
湯茱迪：你唔系我老公。
周星星：我冇話系吖。
黎Sir（走上前）：喂，佢明明系你老公嚟架喎。
湯茱迪：我而家唔認佢吖。滾啦！滾啦！滾到你懵曬呀。
黎Sir（同周星星講）：喂，講嘢啦。
周星星：講咩啫？咩都唔記得曬吖嘛。
黎Sir：呢個系你老婆嚟架。
湯茱迪：唔系噃。
周星星：我冇話系咯，都話，吖。
黎Sir：兩夫妻，床頭打交床尾和吖嘛。你返去冧嚇佢，乜事都冇啦，嚇。
湯茱迪：我得閑同佢返屋企吖？！我睇嚇佢死得未咋。
周星星：隱約記得我老婆好靚嚇架喎。
黎Sir：喂，而家佢唔靚咩嚇？
周星星：你話呢？
黎Sir：雖然系唔靚，但系佢真系你老婆嚟嘅。（對湯茱迪）對唔住，差人唔講得大話。
周星星：我老婆身材幾正嚇架喎，聽講。
黎Sir：而家佢身材唔正咩？
周星星：我老婆唔興著底褲架喎！
黎Sir：我就系啱啱及到佢冇著底褲。
湯茱迪：啊？
黎Sir：估嚇架咋。
湯茱迪：死嘢吖，short又short唔曬。把口好似啷過油噉，都唔知好嬲定好笑。
黎Sir：系咯，你返屋企至決定好嬲定好笑喇嚇。
湯茱迪：你而家吩咐我呀？！
（陳百祥突然間竄出）
陳百祥：啊，我忍咗你好耐嘞，你而家咩態度呀？冇咗個老公就報警，揾返個老公就姿整。信唔信我拉曬你哋返去深圳吖嗱？知唔知返到深圳擺你一年半載唔審你都得呀？
（湯茱迪有啲驚）
陳百祥：望……望咩呀？冇嚟禮貌。望住我！佢保得你幾耐吖？97年7月連佢都拉埋返去！
湯茱迪：你系邊個呀？
陳百祥（揚一揚自己嘅證件）：中國公安囉！咩呀？啊，睇你幾面熟喎，幾時返過大陸？
湯茱迪：我冇呀。
陳百祥：冇？你好似個商業罪犯呃咗國家好多錢噉喎。喂，僆仔，同我班架車，冚棒唥搭曬返去！連埋佢！
黎Sir：我？！
陳百祥：哎，唔好插口呀，系咪唔合作破壞安定繁榮先？信唔信我鎖你老母返去吖嗱？
黎Sir（松咗一口氣）：哎吖，好彩鎖我老母，唔系鎖我。
周星星：你哋講完未吖？你老母！我好眼瞓喎。
陳百祥：喂，唔好亂講，你唔系我老母。
湯茱迪（拖周星星返屋企）：眼瞓就返屋企啦。嚟，我哋返屋企。
陳百祥：喂喂喂，咪走呀！
湯茱迪：行啦！行啦！
陳百祥：依本子辦事！槍呢？
黎Sir：走咗咪好囉，由得人走啦嘛。
陳百祥：嗱，亂噏兩句就得喇，僆仔！
黎Sir：喂，你重叫我僆仔？你知唔知你燉咗冬菇架？你再冒警我隨時揾人拉你架。
陳百祥：喂喂喂，唔好咁惡喎。我冒中國警啫，你叫中國人拉我吖。
黎Sir：嚇！你……
陳百祥：哎，再嘈吖嗱？！我真系上去考公安。97年落嚟砌你老母生豬肉。
黎Sir（拍心口）：哎，好在我老母食齋架啫。哎！

（周星星嚟到湯朱迪屋企，見到金碧輝煌嘅屋企，不禁暗自驚歎）
家丁：少爺！
周星星：嘩！嘩！嘩！……
湯茱迪：嘩咩啫？間屋系你家嘛。
周星星：我失憶吖嘛。
湯茱迪：失憶大曬呀？
周星星：並唔系話大曬嘅……
（管家婆抽泣）
湯茱迪：你知唔知佢系邊個呀？
周星星：阿媽？！
管家婆：少爺，你做乜媽我呀？
湯茱迪：媽你個D呀！呢卷廁子系我哋日本管家嚟架。
周星星：嚇？！呢卷系廁紙嚟？！
湯茱迪：呢啲日本名嚟架。    [究竟邊個諗到哩個名....經典吖..........................]
細路（走向周星星）：爸爸！爸爸！爸爸！
周星星（抱起細路）：乖仔！乖仔！乖仔，爸爸好挂住你，乖仔！
湯茱迪：仔你個A呀！佢系花王嘅仔嚟架。
周星星：佢叫我爸爸喎。
湯茱迪：佢系人都叫爸爸架啦。叫人喇。
細路：爸爸！爸爸！爸爸！爸爸！……
（周星星將細路抌埋一邊）
老坑（戙喺周星星面前）：你返嚟就好囉。
湯茱迪（指住老坑）：你知唔知佢邊個呀？
周星星：系咪整咖喱架？
湯茱迪：佢系你老竇呀！
周星星：嚇？！
老坑（展開雙手）：乖仔！
周星星：阿爹！

（周星星轉頭就走，猛然發現一條友企喺身後）
條友：你返嚟真系好喇。
湯茱迪：知唔知佢邊個呀？
周星星：花王之類啫嚇嘩？
湯茱迪：佢系你奶媽呀！
周星星：咩話？
條友：少爺，使唔使我摣杯奶畀你飲呀？
周星星：未口渴，遲啲先。

（突然間出現一條狗）
湯茱迪（指狗）：你知唔知佢邊個呀？
周星星：唔會系細佬啩？
湯茱迪：就系。
周星星：嚇？！
湯茱迪：你不嬲當佢細佬噉看待架嘛。
周星星：哦，噉樣。
湯茱迪：快啲叫佢呀，唔系撲埋嚟咬你呀，話你知吖。
（成班人都走開，剩低周星星一個）
周星星：喂喂喂，唔系嚇嘩？叫咩名得架？
湯茱迪：用個腦諗嚇喇。
周星星：喂喂喂喂！Dolly! Dolly! Dolly! David,Peter,Maria,Rose,Gigo! 啫啫阿曼尼，Velentino 弗爛事安奴，王晶！吳孟達！陳嘉上！……

（食晚餐）
周星星：呢啲狗應該攞去人道毀滅啦！
湯茱迪：只狗就叫做Dolly囉！你自己唔記得人哋個名之嘛！
周星星：喂，我叫咗好多聲Dolly啦！
湯茱迪：系“Dolly囉”，唔系“Dolly啦”！就系差個囉字。
周星星（拍凳）：唔怪得系噉追住我個籮啦！
管家：少爺！獸醫嚟咗喇。
獸醫：邊只狗要剝牙呀？
周星星：呢便。唔該曬你呀，醫生。（周星星一路行向醫生，只狗重一路咬住佢籮柚唔放）

廁子（畀湯茱迪嘈住，瞓唔著覺）：唔好咁大聲呀。啊，啊……

（周星星同湯茱迪做緊按摩，周星星咬牙切齒）
湯茱迪：喂，平時你按摩梗系瞓著覺架。今日做咩咁HIGH呀？
周星星：唔知點解好HIGH呀真系。喂，使唔使拗到咁盡呀？
家丁：少爺，你平時好鍾意架。
周星星：有噉嘅事咩？
湯茱迪：系吖。
周星星：哦，噉由佢吖！
（按摩完畢）
（周星星對牆上幅相好好奇）
湯茱迪：喂，幅相影咗咁多年啦，重有咩好睇啫？
周星星：家嚇我失憶吖嘛。
湯茱迪：失憶大曬呀？
周星星：並唔系話大曬呀。我喺度睇緊點解會著住條底橫影張噉嘅相咁奇怪都有架真系。
湯茱迪：哎吖，你重好講，我“口危”你幾耐你先肯著返條褲呀？初初你唔肯著添呀。話噉先系性感喎。睇你個衰樣幾唔滿意吖！
周星星：睇唔出佢系啲噉嘅人。
湯茱迪：嚇？！
周星星：我話醒唔起我系啲噉嘅人啫。
湯茱迪：唔系你個樣似到十足十呀，我真系有啲懷疑你呀。
周星星：懷咩疑吖！我都咩都唔記得曬嘞。其實我臨失蹤之前講過啲咩，做過啲咩？
湯茱迪：點知你做過啲咩，講過啲咩呀！（走開）廁子！廁子！
周星星：叫佢做咩啫？
湯茱迪：較水畀你沖涼吖嘛。
周星星（轉身，發現廁子戙喺自己身後，嚇咗一跳）：瞓咗喇人哋。
廁子：少爺！有乜吩咐呀？
周星星：硬系失驚無神噉嘅你真系。
廁子（同湯茱迪講）：少奶，佢話我失驚無神喎。
湯茱迪：哦，呢間屋啲人個個都失驚無神架啦。
周星星（走去湯茱迪身後拍佢嘅膊頭）：咪以爲淨系你先識失驚無神先得架。

（湯茱迪打電話畀黎Sir，黎Sir打緊犯人）
黎Sir（補多鑊）：身痕呀？
手足：詐死呀？
黎Sir（聽電話）：喂！
湯茱迪：喂！黎Sir呀，我系湯茱迪呀。
黎Sir：咩事呀？
湯茱迪：你幫我揾嗰個老公呢，唔系我老公嚟架。
黎Sir：薄啲，薄啲。（講返電話）你點知佢唔系你老公呀？
湯茱迪：佢咩都唔認得喎！抱住花王嘅仔當自己嘅仔，重畀狗咬添呀。重有呀，我叫佢去沖涼，佢真系乖乖哋去沖涼喎。佢一年嗱，只系沖四次涼架咋。結婚嗰陣時，我嗌咗佢成個禮拜佢都唔肯沖呀。
黎Sir：哦，我哋喺拘留所同佢沖涼，佢沖到上癮。喂，佢真系你老公嚟架。你對佢好啲嚇，如果唔系，我真系唔放過你架。
湯茱迪：嘩！你噉講嘢嘅？你系咪黎Sir呀？
黎Sir：我唔系黎Sir，唔通系黎明呀？死喇！（打咗個犯人一錘）
湯茱迪：喂，你把聲都唔似嘅？
黎Sir：啱啱嗰把聲唔系我架。吖，你打得少呀！

（陳Sir辦公室，湯茱迪推門入嚟）
湯茱迪：陳Sir！
陳Sir：王太，有咩貴幹啊？
湯茱迪：我屋企個老公唔系我老公嚟架。
陳Sir（乸乸哋）：我唔好明喎，你講清楚啲。
湯茱迪：你哋個黎Sir幫我揾返我嘅老公同我老公一模一樣嘅呢，但我返到屋企就發覺，同我老公一模一樣個老公呢根本就唔系我老公嚟。
陳Sir：黎Sir幫你揾返個老公個老公樣同你老公一樣，不過你發覺呢個老公唔系嗰個老公？
湯茱迪：佢根本就唔系我老公。
陳Sir：噉你即系懷疑呢個類似你老公嘅物體唔系你老公？
湯茱迪：咁上下啦！
陳Sir：噉你應該揾黎Sir吖嘛。
湯茱迪：我打過電話揾黎Sir。點知有個唔系黎Sir嘅黎Sir話而家呢個唔系我老公嘅老公系我老公喎。
陳Sir：呢個唔系黎Sir嘅黎Sir扮黎Sir話畀你聽，呢個唔系你老公嘅老公系你老公？
湯茱迪：咁上下啦！
陳Sir：嗱，噉我有一個建議嘞。嗱，你返屋企呢沖返個靚嘅熱水涼，然後飲杯熱牛奶。聽朝瞓醒覺呢揾阿黎Sir。你發覺嗰個唔系你老公嘅老公呢，就會呯一聲變返你老公架嘞。
湯茱迪：連你都懷疑我呀？！連你都唔信呀？！你以爲我發神經架？
陳Sir：咁上下啦！
湯茱迪：佢真系假架。
陳Sir：我都系假架。其實我劉德華扮架。而家年卅晚嘞，十二點半嘞。（睇表）一點添！年初一，系，總之就新年快樂，大家龍馬精神！（推湯茱迪出門）
湯茱迪：你做乜嘢啫，陳Sir？
陳Sir：系噉先嗱，拜拜！
（“ung2”湯茱迪出門）
湯茱迪：我未講完架。
陳Sir（閂門）：拜拜！
[哩段最經典啦！！！！！]

（黎Sir喺台底鑽出）
黎Sir：哦，你真系得嘅，不愧系我嘅同期同學呀。恭喜發財！恭喜發財！
陳Sir：你個死仔呢鑊一定累死我。佢咁有錢，一定告到我甩褲架嘛。你知唔知呀？
黎Sir：喂，而家我哋伸張正義，維持法紀咋喎。
陳Sir（揾手指厾黎Sir）：你強姦正義，目無法紀呀！
黎Sir：嘩！你咁大力厾我？！死啦！（打咗陳Sir一拳，陳Sir揞住塊面）
黎Sir：唔系咩呀？
陳Sir：我揾手指厾你，你打我？我同你搏命！（打作一團）

（湯茱迪返嚟攞返火機）
湯茱迪：陳Sir，我漏咗個打火機呀。（陳Sir畀打到好似熊貓噉）
湯茱迪：哎呀！做咩你對眼黑曬架？
陳Sir：唔夠瞓，黑眼圈呀。王太，恭喜發財呀！萬事勝意呀！猛財就手呀！學業猛進呀！青春常駐呀！（每講一句踢台底嘅黎sir一腳）總之，大家happy呀！恭喜發財呀！
湯茱迪：哎吖！成班都黐線架。

（周星星喺湯茱迪屋企周圍揾證據）
周星星（聽到鋸嘢聲）：咩聲呢？（見到自己企嘅地方就嚟畀鋸咗去嘞，趕唔切走成個人跌落去）做咩呀？
周星星（見到陳百祥）：做咩呀你？
陳百祥：你請我做助手吖嘛。
周星星：系吖。
陳百祥：你叫我擡住支炮廿四小時保護你吖嘛。
周星星：系吖。
陳百祥：咪做足囉。
周星星：我冇叫你鋸咗人哋天花板呀大佬。
陳百祥：系喎！呢樣冇喎。
周星星：行啦，死蠢！

（補返好個竉）
周星星：喂，喺呢度我唔使你保護嘞，你快啲走。
陳百祥：唔系喎！我都要及住你有冇對我表妹唔住吖。

（畫外音）
女傭：少奶，你返嚟喇！
湯茱迪：系吖。

（周星星見到湯茱迪行緊入嚟）
周星星：湯茱迪返緊嚟，快啲鑽返落去。

陳百祥（揭開個蓋，見到下面間房有人）：弊！有條肥佬返咗房添！點算呀？（阿叻唯有扮黃百萬張相企住喺度）

（湯茱迪打開門，見到周星星喺度拗頭）
周星星：返嚟喇？返嚟喇？去邊嚟呀？
湯茱迪：哦，冇，我去食雲吞面之嘛。
周星星：哦，食雲吞面呀？
湯茱迪：系咯，系咯。
周星星：非常好！非常好！

（周星星轉身）
周星星（心想）：爲咗完成任務，唯有發揮我玉樹臨風嘅威力。一于施展眉目傳情大法引佢講出真相。
湯茱迪：爲咗揾出真相，我要發揮自己風華絕代嘅魅力，撕開佢嘅假面具。
（兩人喺度鬥發姣,周星星粒假癦唔小心整甩咗，馬上黐返上去）
周星星：茱迪！
湯茱迪：百萬！
周星星：茱迪！
湯茱迪：百萬！
（相擁，轉圈）
（越轉越快）
（阿叻畀阿敏張相周星星睇，周星星見到之後一驚就放手，湯茱迪飛出十萬八千里。）
（電話響）
周星星：對唔住，今日我有啲攰。我都系返出書房瞓。

（廁子間房）
廁子（跪低祈禱）：仁慈嘅上帝吖，求你賜一個精壯嘅男人到我夢中。（日語）阿裏阿多。
（陳百祥不慎跌落去頭先鋸嘅窿，自食其果）
廁子（好高興）：真系好粗壯呀！重剝埋衫添！多謝上帝！多謝上帝！我嚟喇！

（年初一）
女傭：做嘢咁慢架？！你哋快手啲啦，啲禮物擺好佢！少爺少奶落嚟喇！
（湯茱迪同周星星落樓）
僕人（拜年）：恭喜少爺一本萬利！龍馬精神！雞年順景！大吉大利！橫財就手！
湯茱迪（派利市）：利利市市嚇！（見周星星冇派利市）喂，你都派利市啦！
周星星：我冇帶添。攞啲嚟呀！（攞咗湯茱迪啲利市）
周星星（派利市）：嚟嚟嚟！恭喜發財！大吉大利呀嚇！
僕人：多謝！多謝！多謝！
周星星（見到利市裏面原來有好多錢）：喂喂喂，你結咗婚架喇嚇嘩你？攞返嚟先。（攞返派出去嘅利市）你嗰封呢？
僕人：未吖，少爺，我未結……
周星星：你攞錯我嗰封吖嘛。你嗰封喺少奶度。嘩！嗰便一人派兩封喎嗰便！（收埋利市）發達嘞！

（黎Sir嚟拜年）
黎Sir：恭喜！恭喜！恭喜！
周星星：嘩，黎Sir！
黎Sir：不成敬意！不成敬意！
湯茱迪：黎Sir！
周星星（收咗禮物）：嘩！黎Sir，咁厚禮呀！
黎Sir：嚟探王翁你，使多多錢都要架啦。
湯茱迪：黎Sir，恭喜發財喎！
黎Sir：閘住！我哋唔發得財架！一發財ICAC就請我哋飲咖啡架嘞。
湯茱迪：哦，噉步步高升啦！
黎Sir：噉就得，噉就得。王翁，你冇事吖嘛？！啊，冚親個頭都要揾些少時間修養嚇至得。
湯茱迪：系呀！系呀！你哋坐一陣先。我去攞啲年糕出嚟嚇。
周星星、黎Sir：好呀！好呀！

（周星星同黎Sir坐低）
黎Sir：點呀？查到啲咩嘢呀？
周星星：我已經出到美男計，諗住犧牲色相都套唔到咩料喎。
黎Sir：嚇？
周星星：喂，不如你另請高明好過哩。
黎Sir（叉周星星條頸）：你想死吖？
周星星：阿四呀，斟茶！
阿四：系，少爺！
黎Sir：我連燉咗冬菇嗰個都揾埋嚟幫你手，你再揾唔到個真凶，你切腹自盡都得喇你！
周星星：我驚未切腹就畀人懟冧咋。
黎Sir：邊個咁夠膽呀？

（炮丈聲）
（林大嶽過嚟拜年）
林大嶽：詐肚痛，去屎坑排長龍。
黎Sir：喂，邊個嚟架？
周星星：咦，著皮草架喎。咦，女嚟喎。（猛梳頭）

林大嶽：Happy New Year! My best friend.
黎Sir：嘩，你條女光頭架？

林大岳（同周星星擁抱）：Oh, My Brother Amigo! Happy New Year!
周星星：揾邊位呀，阿生？
林大嶽：咦？

湯茱迪：大嶽！
林大嶽：Judy!
林大嶽：喂，Judy，百萬short咗呀？連我都唔認得？
周星星：都記得啲嘅，大嶽吖嘛。
林大嶽：唔系，你唔系叫我大嶽嘅。你叫我咩？講！
湯茱迪：講！
林大嶽：講！
周星星：系咪冚家富貴呀？
林大嶽：冚家富貴？！冚家富貴咪就系冚家富貴囉，豬泵兜！
周星星：唔系冚家富貴，系豬泵兜呀？
林大嶽：（指自己）唔系，我系冚家富貴！（指湯茱迪）豬泵兜！
周星星：哦，（指湯茱迪）你系豬泵兜！
湯茱迪（指周星星）：你系豬泵兜！
周星星：噉你咪冚家富貴？
湯茱迪（指林大嶽）：佢系冚家富貴！
林大岳（指湯茱迪）：系嘞，佢系冚家富貴！
周星星：（指湯茱迪）你系冚家富貴，（指林大嶽）你系豬泵兜！
湯茱迪：佢至系冚家富貴吖，冚家鏟！
周星星（指自己）：我系冚家鏟？
黎Sir：好囉，好囉，好囉，大家唔好搞咁複雜嘞，全部都叫仆街！
周星星：嘩！新年流流！
林大嶽：講啲噉嘅嘢架？
湯茱迪：累口水講過！

（黎Sir吐口水，中咗林大嶽右眼）
周星星、湯茱迪：准呀！
黎Sir：Sorry, Sorry, Sorry!
林大嶽：呢條懵炳邊個嚟架？
湯茱迪：佢就系幫我揾返百萬嗰個黎警司吖嘛。
林大嶽：哦，噉我不嬲都好少同啲低級嘅巡邏員喺埋一齊嘅！
林大岳（走去周星星身邊）：喂喂喂，我今晚個DISCO呢新開張。你兩位一定要早啲到。我叫咗好多女嚟吖。你就最啱嘞。哈哈
湯茱迪：講咩呀你？
林大嶽：講笑之嘛。哎吖！弊！我唔記得同我老竇拜年添！
周星星：令尊翁佢！
林大嶽：佢住喺和合石。
周星星：哦！
湯茱迪：哦！噉你快啲去喇！
林大嶽：我趕住去。系噉先。今晚見。
湯茱迪：拜拜！
周星星：唔送咯喎。

黎Sir（咬耳仔）：佢系王百萬由細到玩到大嘅死黨，成日謀住佢副家產，好有嫌疑呀。

（林大嶽嘅DISCO）
周星星：Judy呀，出嚟使唔使黐撇須咁牙擦呀？
湯茱迪：唔順呀？你都整返撇吖。

林大嶽：女人之嘛，使溝嘅咩？嘥時間啦！有錢就有女人，揾啲錢掟到佢瞓低，再揾啲錢掟到佢愛我呀！錢，就同白粉一樣，會上癮嘅。
湯茱迪（坐低）：哎，噉你咪好多白粉？！最近又溝緊邊個女明星呀？
林大嶽：哎，最近唔溝女明星，轉咗口味。溝啲啱啱出嚟發夢嘅女強人，重過癮呀！
友A：喂，點過癮法先？
林大嶽：嗱，我擒日溝咗條女，開花店嘅。
（周星星噴水）
友A：咁啱嘅？！我尋日喐咗條女又系開花店架喎。
（周星星又噴）
友B：我聽日約嘅條女又系開花店架喎。
（周星星又噴）
周星星：話時話喇，邊間花店呀又？
林大嶽（擰轉面）：咦，乜你都想排隊吖？哈哈哈！問過你老婆未呀？
湯茱迪：哎，唔好望住我呀！我好民主架！百萬想話逢場作興咯喎，有乜所謂啫？我去跳舞！（行開）
林大嶽：哎，咪搞我個頭！

周星星（坐到林大嶽身邊）：喂喂喂，學嚇嘢學嚇嘢，開花店嗰個女仔點正法啫嚇？
林大嶽：嘩！點正法呢我就唔好識講嘞。總言之呢就眼大大，鼻高高，嘴細細。嘩！雙峰插雲呀！（周星星嘅腦海裏便浮現阿敏嘅形象）重有……
周星星：夠！叫咩名呀佢？
林大嶽：啊，死嘞！年中溝咁多女，我點記得呀？Ada? 唔系唔系唔系！Patty? 唔系唔系唔系！Cindy? 唔系唔系唔系！總言之呢床上功夫一流，由床頭搞到床尾，床尾搞返上床頭，床上面搞到落地下，廚房搞到出廳，廳又搞返入廚房。嘩！夠淫賤呀！
周星星：好賤呀真系！
友A：重有添呀，我聽條女講呢，佢有個飛噉一半嘅仔都系做差佬架喎。
周星星（撲向友A，叉住友A條頸）：條女喺邊度？快啲介紹我識！快啲啦！
林大岳（拉開周星星）：哎，你咪咁擒青得架。我約咗佢嚟，陣見你咪見到囉。
周星星：系咩？
林大嶽：系。
周星星：噉呀，補補妝先嚇！

周星星（見到阿敏都喺DISCO）：真系？

（周星星走去洗手間揾阿敏）
（第一間洗手間，兩個基佬）
基佬：Baby, give me a kiss!
周星星（將基佬打返入去）：賤格！

（第二間洗手間，兩個Lesbian）
Lesbian：Baby, give me a kiss!
周星星：好呀！
Lesbian（打周星星，閂門）：賤格！

（第三間洗手間）
程文靜：你做咩呀？
周星星：揾人啫。

（阿敏同湯茱迪跳緊辣身舞）
（周星星埋去湯茱迪身邊）
周星星：Judy，有靚女唔介紹嚟識嚇呀？Judy! （阿敏走咗去）喂！
湯茱迪：冚家富貴呀，你唔好爭食先得架！
周星星：你有靚女唔彈畀啲兄弟不得止，重要松踭？！講到邊度都講唔通吖你！
湯茱迪：你自己喫飽啦！

程文靜：Judy!（走埋嚟湯茱迪身邊）
程文靜：Hi!
湯茱迪：喂，文靜，等我嚟介紹嚇。（向周星星介紹程文靜）佢系我公司最幫得手嘅程文靜。（向程文靜介紹周星星）佢系王生。
程文靜：我見過王生一次啦。
周星星：系呀，系。
湯茱迪：公司啲嘢冇咗文靜呀，都唔知點算好呀。
周星星：唔知點算呀，真系。
程文靜：噉我唔阻兩位嘞。
湯茱迪：哦，唔阻！傾多一陣先啦。
程文靜：拜拜！
湯茱迪：拜拜！（程文靜離開）
湯茱迪：望咩呀？！成日挂住“目及”女。
周星星：噉有乜世藝得架？
湯茱迪：喂，陪我出去跳舞。（拉周星星出去跳舞）

湯茱迪：揾緊邊個呀？
周星星：揾緊人。
湯茱迪：揾頭先條女吖？
周星星：唔系呀。
湯茱迪：有冇講大話先？
周星星：冇呀。
湯茱迪：噉你可唔可以投入啲同我跳只舞呀？

（兩個欲吻，畀林大嶽搞破壞）
林大嶽：喂，乜你兩個喺度咁親熱呀？
林大岳（問周星星）：你響邊嗱？我條女嚟咗，重想介紹你識添。
周星星：家嚇呢？
林大嶽：家嚇咪走咗囉。等第日有機會咪再……哈哈哈！（撇咗去）
湯茱迪：佢頭髮幾有型呀呵？
周星星：系，我好欣賞佢。

（兩人返歸）
（湯茱迪想入非非）
（夢境）
周星星：大鼻妹，今晚我哋成班友開P，預你咯喎。重企喺度做咩呀？快啲班多幾條女嚟吖。
湯茱迪：好呀！
周星星：好咩啫？
湯茱迪：冇嘢，我諗返以前之嘛。嚟，同你玩啲新嘢。
周星星：新嘢？！

周星星（著住校服，呆呆滯滯噉）：我哋今晚成班開P，預咗你呀大鼻妹。碌木企喺度做咩呀？
湯茱迪（著住校服）：哎吖，你畀啲笑容得唔得呀？而家死老竇咩？
周星星（再嚟過）：我哋今晚成班開P，預咗你喇，大波妹。
湯茱迪：大鼻妹吖。
周星星：Sorry!
周星星（再嚟過）：我哋今晚成班開P喎，大鼻妹。預咗你架喇。喂，重企喺度做咩呀？快啲班多幾條女嚟呀！
湯茱迪：Cut! Very good!
周星星（抹汗）：哎！真惡撈！

（周星星坐喺湯茱迪隔籬）
湯茱迪：哎！你做乜入我房呀？我媽就返嚟架喇。
周星星：你阿媽？
湯茱迪：我話畀佢知話你同我補習架咋。畀佢知佢實好嬲架。我阿媽話，唔可以立亂畀男仔入我房，唔可以立亂畀男仔惜。唔可以立亂畀男仔……咩架。
周星星：對白系咪到我？
湯茱迪：你講咩啫？
周星星：咩啫？我都唔知咩。
湯茱迪：你重話唔知咩？上次露營嗰陣嗱，三更半夜走入嚟，惜咗人一啖。
周星星：噉唔惜架嘞，我都系返書房瞓。（欲走）
湯茱迪（拖住周星星）：人哋淨系想問你點解今晚唔惜喎。
周星星：噉惜咗你系咪可以返書房瞓呢？
湯茱迪：噉惜先嗱。
（周星星惜咗湯茱迪一啖，想轉身走）
湯茱迪（拖住周星星）：哎，上次都唔系惜呢度。
周星星：嘩，唔系惜呢度惜邊度呀？喂，Judy，做人呀咪話得寸進尺好喎。曳吖你。
湯茱迪：系吖，曳嚇都唔得呀？嚟吖，嚟吖，……
周星星：死就死啦！
（廁子撞門入嚟）
廁子（手摣雞毛撣子）：嘩！你兩個衰嘢作死呀？
周星星：咦，你又有份撈呀？嚇！
廁子（一味打周星星）：你兩個衰嘢！你兩個衰嘢！你兩個衰嘢！你兩個衰嘢！搞搞震吖嗱，唔打過你都唔得。
周星星：喂喂喂！你咪淨系“faak8”我，“faak8”嚇佢得架。
廁子：嗰個導演嚟架，唔打得架。（繼續打）你兩個衰嘢！搞搞震！搞我個女？溝佢上床？你個衰女，你唔知衰，唔知醜，佗衰家呀你！
周星星：你哋家醜不出外傳。我行先。（想走）
廁子：我叉！你個衰仔你！跪低！

（周星星同湯茱迪齊齊跪低）
廁子：你個衰仔，唧咗我個女只豬想走？
周星星：伯母鋪話法要戒吖。我本身唔食豬肉。
廁子：噉嘅嘢你都講得出口嘅？你冇人性架你。噍完松？
周星星：我唔玩喇！
廁子：照做呀！照做呀！
廁子（同湯茱迪）：你睇嚇喇，呢個人冇人性冇心肝架。哎，我唔理呀，我同你老竇講呀，你兩個下個月結婚喇。
周星星：啊？又結？
廁子：唔好呀？
湯茱迪：結唔結呀？
周星星：結就結喇，嗱嗱聲快啲啦！
廁子：噉咪好囉！嗱嗱林！你兩個要以後生性做人呀！我有事呀，唔阻你哋呀！
周星星：行啦，爽手啦！
廁子：你兩個想做就做啦。

湯茱迪：喂，阿媽准結婚喇，繼續啦。
周星星：嚇？重未玩完？
湯茱迪：嚟啦！
周星星：喂，夠鍾嘞，好散場啦。（想走）
湯茱迪：我哋分房瞓咁耐，你一直都冇理過我。你外便有咁多女人我都冇理過你吖。我只系要你一晚啫。噉都唔得？（喊，依偎喺周星星身上）噉都唔得？點解你會變成噉？點解？
周星星：唔好喊啦，我個人唔系噉架喎。我好專一架喎。
湯茱迪：你講多次。
周星星：我話我個人好專一，老婆，我要一個就夠。
（湯茱迪笑逐顔開）
湯茱迪：你話你愛我呀。
周星星：我愛你！
湯茱迪：講多次。
周星星：我愛你！
湯茱迪：攬住我。
（湯茱迪瞓著咗……）
（周星星擗低湯茱迪，嚟到阿敏嘅花店）
路人：望咩，僆仔？
周星星：望你畀車車死呀！
（周星星不幸言中）

（周星星走入花店）
周星星（睇錄影）：轉身！擰轉身！（用放大鏡睇）頂你個肺吖！重咁沙塵著花襪？！

（周星星將一把碎銀抌喺地上，踎低身，撩起路人嘅褲腳睇襪）
路人甲：做咩呀，僆仔？
周星星：執嘢啫，大佬。
路人乙：做咩呀，僆仔？
周星星：執嘢啫，大佬。
阿敏：你做咩啫？掃街呀？返入去啦！
周星星：冇，執返啲散紙之嘛。
周星星：有紅豆沙食呀。
周星星：啊，乜今日冇乜生意嘅呢？
阿敏：新開張系噉架啦。
周星星：唔系噃，聽講擒日好多人嚟揾你喎。
阿敏：系吖，你又知？喂，你粒癦呢？（粒癦落咗喺碗紅豆沙裏面）喺呢度呀。
（陳百祥沖入嚟將碗紅豆沙食咗，粒癦都食埋）
陳百祥：好嘢！哦，啲紅豆幾靚。
周星星：你唔覺韌咩？
陳百祥：有一粒呀？
周星星：梗系啦，連我粒癦都食埋！
陳百祥：加粒癦落去煲紅豆沙好味啲咩？
阿敏：你哋慢慢傾，我出去呀。
周星星：喂喂喂，去邊啫？
阿敏：幫人送花畀老婆呀。似得你呀，人又冇，花又冇，錢又冇，拜拜！
陳百祥：噉你又系嘅。
周星星：你又嚟做咩呀？
陳百祥：我嚟食紅豆沙同廿四小時保護你囉。唔啱咪走囉。（轉身，周星星拉返）
周星星：喂！林大岳班友今晚話要嚟我度賭“0披”。我思疑可以查到線索出嚟嘅。
陳百祥：你深慶得人嗱，我紀律部隊啤王呀。今晚我傍住你，揾到食呀！

（王百萬屋企）
（周星星喺台底鑽出嚟）
陳百祥：揾咩呀？
周星星：冇嘢。
周星星：咩環境呀？
陳百祥：一切正常。
周星星：有冇帶錢呀？
陳百祥：你唔知我叫白頭神探咩？
周星星：你有白頭發咩？
陳百祥：專賭白頭片嘅神探。

林大岳（見到王百萬冇咗粒癦）：哎？王翁，你粒癦呢？
周星星：嗯，脫咗。
林大嶽：喂，富貴癦嚟架喎。
周星星：系？因爲錢多得滯想少減啲啫。
陳百祥：啊，精句！精句！
周星星：嚇嘩？
林大嶽：噉就啱嘞，照老規矩啦。
周星星：咩老規矩？
林大嶽：賭現水。
周星星：哦，呢層規矩啦，呢層。
林大嶽：最多信廿萬。
（周星星攞出一萬文）
陳百祥：散紙嚟架？
周星星：全副身家。
boy：一萬出part囉呵，王生？

周星星（睇牌）：笈手八呀。
林大嶽：九仔都話事呀？五萬啦。
周星星：點呀？
陳百祥：五萬大十五萬。搭part都肥啦。
周星星：嚇嘩？
林大嶽：跟佢。（周星星冇曬錢嘞）喂，攞錢出嚟得架。
周星星：散紙呢？
陳百祥：散紙？
陳百祥：哎！哎！阿邊個……
周星星（拉返陳百祥）：喂喂喂，我去揾阿邊個啦，你坐喺度。
陳百祥：哦。

（湯茱迪打緊麻將）
周星星：老婆，攞住一千幾百萬嚟頂住檔先啦。
湯茱迪：喂，不嬲都分開荷包賭錢架啦。你唔系有三千萬現金喺屋企嘅咩？
周星星：我唔記得咗擺喺邊吖嘛。
湯茱迪：咁叻仔實記得返嘅。喂，打邊只好呀？
周星星（指九筒）：呢只啦。
湯茱迪：真系？
周星星：信我得架。
湯茱迪（出牌）：九筒！
麻雀腳甲：食糊！
麻雀腳乙：我都系吖！
麻雀腳丙：一炮三響！
（周星星支箭噉標出去）
湯茱迪：死仔吖！

（差館）
周星星：阿黎Sir喺邊度？
手足：喺CID房happy緊。
（周星星推門入去，黎Sir喺度打緊人）
黎Sir：Hi!
周星星：Hi!
黎Sir：你個衰仔！打得少呀你！
周星星：有緊要嘢同你斟喎。
黎Sir：有咩緊要事呀？睇唔到我打緊人咩？
周星星：問你攞二百萬嚟趕注呀。
黎Sir：嚇？二百萬？有冇搞錯呀？
（犯人還拖）
黎Sir：你夠膽還拖？！
周星星（拉住黎Sir）：呢二百萬你無論如何冇得慳架喇你！
黎Sir：我邊度攞二百萬畀你呀？
周星星：大嶽嚟咗我屋企賭錢，如果冇錢就穿煲！噉就大家死架咋，爽手啲得架。
黎Sir：你放手先啦。
周星星：你應承我咪放手囉。

（周星星攞住二百萬返到王百萬屋企）
陳百祥：去街市買嘢呀？
周星星：唔好意思，啲散紙亂咁擗。畀啲工人踢入工人房。工人房喺元朗。
林大嶽：唔使講咁多喇，梗等埋你嘅。派牌呀！
周星星：派牌！
boy：八一啤話事。
周星星：噉呀，我曬。（諗住抌曬啲錢出去）
陳百祥（阻止）：喂喂喂！泵住雞先。冇乜特別嘅，話住廿萬先。（抌咗廿萬出去）
林大嶽：廿萬呀？大你八十萬呀。
boy：跟！

陳百祥：三條八。
周星星：唔使講，“fing6”曬出去！
陳百祥：報紙？
周星星：“fing6”埋出去啦！
（陳百祥將啲錢掟曬出去）
林大嶽：三條八？挑！好少錢啫！跟！


黎Sir：返嚟喇？贏定輸呀？
周星星：睇我個頭就知啦。（指自己頭）
黎Sir：輸曬呀？你又話自己“0披”王？！
周星星：我幾時有講過呀？
陳百祥：我有提過嚇。
黎Sir：噉點算呀而家？
陳百祥：你揾多一百萬嚟翻本囉。我即刻發揮我“0披”王嘅本色！
黎Sir：嘩！重要攞多一百萬添呀？我攞曬差館啲保證金同保釋金返嚟畀你攞曬去賭。而家差館畀人追債喇。你唔攞返嗰兩百萬返嚟，買定船飛著草都得嘞！
周星星：噉嗱嗱聲借啲錢嚟買船飛嘞。
黎Sir（手指指）：你……
陳百祥：喂喂喂，真系揾多一百萬嚟吖……
黎Sir：睬你都傻。（走）
陳百祥：唔系大家一鑊熟架咋。

陳百祥：喂喂喂！
黎Sir：你哋輸埋嗰一百萬點算呀？
陳百祥：橫死掂死啦！點都要搏一搏架。

畫外音：兄弟，揾餐晏仔食嚇啫，唔使抦嚇嘩？
（兩老千伏喺張臺上便）
周星星：又打緊咩人嗱？
黎Sir：打緊兩個老千囉。
陳百祥：啊？老千咁尊貴嘅職業你都亂咁揼？
黎Sir：佢呃咗個人兩文雞。
周星星：哦，呃邊個人兩文雞呀？
黎Sir：佢呃嗰個人系我呀。
陳百祥：咩話？乞兒都呃？耷佢老母！
黎Sir：耷佢吖！

（兩個老千轉身）
周星星：嚇？！賭聖嘅克星——洪爺！
洪爺：Hello! 你好嗎？
周星星：好咩呀？輸到著草咁滯呀家嚇。
大軍：兄弟，你叫佢唔好打我哋。我教你老千速成法。贏梗架。
周星星：得！不過露兩招嚟睇嚇先！
（老千表演）

（林大嶽等到瞓著咁滯）
林大嶽（唔耐煩）：有冇搞錯呀？咁耐都未返架？
湯茱迪：十六圈都打完啦，重未返！都唔知搞乜鬼。

陳百祥（著件紅衫蒲頭）：返嚟喇！返嚟喇！各位觀衆！

（周星星著到賭神噉款）
僕人（鼓掌）：好有型呀！……

（周星星坐正）
林大嶽：個款就好熟面口嘞。不過唔知你扮邊個啫？
周星星：你估嚇。（表演正話學返啲嘢）
陳百祥：登登登登……
林大嶽：啊！我知喇！賭聖！
周星星：錯！系大衛高柏菲。
林大嶽：嘩！
周星星：派牌！
林大嶽：我三條King！
周星星：我三條煙！
林大嶽：同花順！
周星星：我大你個同花順！
林大嶽；四條煙！
周星星：五條煙！
（贏返好多錢）
陳百祥：喂，嗰兩條友教你啲嘢真系得喎。贏盡佢！
周星星：我重要趁呢個機會揾出謀殺王百萬嘅真相！
林大嶽：一百萬！
周星星：跟你！
林大嶽：煙啤話事！
周星星：你傻架！同花順面話事。曬冷！
林大嶽（輸到冇曬錢，剩返五毫子）：我唔信你系大衛高柏菲，我照跟！得返五毫子，磧住五百萬！
周星星：唔使磧！只要你肯回答我一個問題，我咪當你跟咗囉。
林大嶽：咩問題呀？
周星星：你曾幾何時有冇諗過要殺死我呀？
林大嶽：嚇……
周星星：答我啦！
林大嶽：我……
周星星（大大聲）：答我啦嘛！
林大嶽（大叫）：啊……唔玩嘞！唔玩嘞！問埋啲噉嘅問題！走！
手下：系！
陳百祥：唔玩就擸錢咯。（咬耳仔）喂，錢就贏盡嘞，真相揾到未？
周星星：真相就系……，（翻牌）我系四仔底，條傻佬居然唔玩！哈哈哈！
（林大嶽跣親）
手下：大佬，冇事吖嘛？有冇跌親呀，大佬？

（差館）
黎Sir：回水！
陳百祥：啲本畀返啦！贏嗰啲唔使預你嚇嘛？
黎Sir：借錢唔使畀利息呀？
周星星：哎，照銀行同業拆息畀佢。
陳百祥：嘩，今日好低咋喎，兩厘七五喎。二百萬除返365日。25文。（畀黎Sir卅文）畀夠三條唔使找。
黎Sir（收下三十文）：整多條醒嚇神啦。
（陳百祥經周星星同意畀多黎Sir十文）
黎Sir：早系噉唔使咁勞嘈啦。

黎Sir：查咁耐，有咩進展呀？
周星星：我發覺呢個湯茱迪越嚟越古怪。我諗佢背後一定有啲不可告人嘅秘密。重有嗰個林大嶽呢……
黎Sir（擺手）：太膚淺嘞！我喺蘇格蘭場受訓嗰陣，曾經研究過世界所有奇案嘅案件。包括東方快車謀殺案，尼羅河謀殺案，電話情殺案，香港竈底藏屍案等等等等。發現一個重大原則。
陳百祥：咩原則呀？
黎Sir：越系嫌疑大嘅人，越唔系兇手。
周星星：挑！
陳百祥：我同意！唔通粵語
黎Sir：可以噉講！兇手可能表面上唔識死者嘅。相貌平凡，唔高唔矮，孔武有力，有暴力傾向，鍾意亂咁打人。極度貪錢，甚至乎三四十文都貪餐飽嘅。
周星星：照你噉講，兇手系你喎。人嚟，拉佢！
手足：Yeah, Sir!（拉黎Sir）
黎Sir（“fing6”甩）：黐咗線咩？short咗呀？
手足：Sorry, Sir!
黎Sir：推理就系噉推理啫。嗱，言歸正傳嘞！你喺湯茱迪查唔到咩線索，就返寫字樓查嚇林大岳同王百萬喺生意上有咩拗撬而動殺機。
周星星：又話最有嫌疑嗰啲唔會系兇手？
黎Sir：隨口噏嚇啫。重唔快去查？
周星星：等我辦完件好緊要嘅事先得唔得呀？

（周星星返屋企）
（見到有人送咗一紮好大嘅畀阿敏，重有一只好大嘅信封添）
周星星（抽出賀卡，讀上面啲字）：愛你三百六十年？！
周星星（咬牙切齒）：豈有此理，你當我冇到，你？！
周星星：姦夫淫婦！姦夫淫婦！手起刀落！刀？！（攞錯咗）我頂！（喺刀架上便抽咗把刀）門！（閂埋門，鑽入床底）

（阿敏同湯茱迪入嚟）
阿敏：隨便坐！多謝你啲花喎。
周星星：花襪佬？！
阿敏：唔好噉啦，我有男朋友你知架。雖然佢又冇錢，又自私，又孤寒，又老土。
周星星：唔系話我。
阿敏：但系佢始終都系我男朋友，我唔可以接收你架。喂，唔好呀！唔好呀！……

周星星：我殺你個冚家鏟！
湯茱迪（覺得意外）：系你？！
周星星：系你！
阿敏：系你？
周星星（調轉槍頭，同阿敏講）：其實我系話……，殺你個冚家鏟！
湯茱迪：喂，你唔好難爲佢吖！你擸把刀做咩啫？你放低先啦！（放低周星星手上把刀）
周星星：咪住！咪住！你聽我講先。（同湯茱迪講）我都跟蹤得你耐嘞！（手指阿敏）原來就嚟揾呢只狐狸精！
阿敏（手指自己）：我？！
周星星：咩呀？三隻手指指住你，重問呀？（鬧阿敏）喂，你咩新絲蘿蔔皮？同我王百萬爭老婆呀？我家嚇問你，你愛我定愛佢？！
湯茱迪：玩嚇啫。
周星星（潤阿敏）：嗱！玩嚇啫！噉樣。人哋玩你咋，你狐狸精，你蜘蛛精，佗衰家呀你！你想要錢啫嚇嘩你？得嘞，錢咋嘛？嚟呀，嚟呀。（拿出一把散紙）嗱，錢呀嗱，錢呀嗱，錢呀嗱，錢呀嗱！咩呀？畀咗錢你重唔扯吖嗱？！
阿敏：你兩個……，好，我扯！（行出去）
湯茱迪：阿敏嗱！阿敏！阿敏嗱！阿敏！呢度你屋企嚟架，你去邊呀？
阿敏（欲開門，突然醒起）：系喎，呢度我屋企嚟架喎。喂，你兩個扯呀！扯呀！
湯茱迪：喂，阿敏，你唔好嬲啦！你聽我講……
周星星：講咩講？落去樓下等我！等我鬧衰只蜘蛛精兩句得！行啦！你做咩呀？
湯茱迪：行咪行！（落樓）

周星星：嗱，我嚴重警告你呀，你以後唔好再見我老婆呀！如果唔系我見鑊打鑊你呀！知嗎？
阿敏：喂，人都走咗嘞，你重喺度做戲？頭先你鬧得好過癮啦！
周星星：噉物梗系噉做架啦！你覺得我頭先嘅演出點啫？
阿敏：好“喫”！
周星星：有冇搞錯呀？我舊底做話劇攞獎架喎！
阿敏：噉你系“喫”吖嘛！
周星星：我都未問你吖，你點會畀呢個女人溝架？
阿敏：哦，我見佢咁好人，又成日都幫襯。得閑咪陪佢行嚇街飲嚇茶囉。點知佢出便系女人，入便系男人咋。
周星星：估唔到系佢嘅真系！
阿敏：喂，人哋喺出便等緊你喇！重唔落去？！走啦！
周星星：總之我一辦完單案，我就日日陪你啦，好唔好？
阿敏：呣！
（周星星嘴咗阿敏一啖）
阿敏：喂，我買咗啲嘢送畀你呀。
周星星：系？咩嚟架？
阿敏：花襪！
周星星：燒咗佢吖！

（大廈）
接待：王生，早晨！
周星星：啊，早晨！
（周星星嚟到湯茱迪嘅辦公室）
周星星：Hello!
秘書：王生，早餐！王太行開咗喎。
周星星：我知。
秘書：裏便停電嗱！
周星星：唔緊要呀，我入去攞被蒸餾水飲嚇啫。

（周星星入辦公室揾嘢）

（程文靜畀一個信封湯茱迪）
程文靜：今朝送嚟架。
（湯茱迪一睇信封裏便嘅嘢，即刻變得好緊張）
程文靜：有咩事呀？
湯茱迪：冇事，返出去啦！
程文靜：你一定有問題。
湯茱迪：都話冇問題咯，有都唔關你事。返出去！

（周星星喺間房度見到一張紙）
周星星（讀）：注意，（用火機照住睇）千萬不要用打火機睇嘢。咩意思呢？（張紙燒著咗，周星星將張紙隨手抌落垃圾桶）

周星星（用白蘭地滅火）：白蘭地嚟？！

（周星星將個垃圾桶踢開，然之後用西裝去冚啲火，適得其反，件西裝都燒著咗）
（周星星將件西裝抌咗去窗簾度，窗簾都燒著咗，越搞越大鑊）

（湯茱迪打電話畀林大嶽）
女僕：老世！
林大嶽（接電話）：哦！
湯茱迪：喂，大嶽呀。
林大嶽：喂，點呀？僆仔！
湯茱迪：你點影到我啲相呀？
林大嶽：哦，用相機影咪影到囉。我伏咗你好耐架喇。不過估唔到你連呢件都溝埋。啲咁熱辣辣嘅相我相信好多八卦雜誌都好有興趣嘅。
湯茱迪：你因住折墮呀！
林大嶽：啊，噉我折墮梗架嘞。所以我咪儲多啲錢留返我折墮嗰陣用囉。如果你想攞返啲三點盡露嘅相呢，今晚七點嚟我公司啦。
湯茱迪：你想點？

（周星星望火興歎）
周星星（報火警）：消防局呀唔該！（消防龍頭自動噴水，周星星全身濕曬）
消防局：講啦，咩事呀？呢度系消防局嘞，邊位呀？講啦！
周星星：有冇雨褸賣呀唔該？
消防局：買雨褸去Seven-Eleven啦死鏟！
周星星：邊個死鏟呀？你咩態度呀？你幾號冧巴呀你？你唔好收線呀！喂！喂！喂！
（電話中出現湯茱迪同林大嶽嘅對話）
湯茱迪：大嶽，你欺人太甚嘞！
林大嶽：你唔嚟一定後悔。系噉啦！唔好阻住我做運動呀！

（湯茱迪收線，拿出一把刀猛插臺面，好鬼興噉樣）

（周星星行出間房，周身濕曬）
秘書：王生，你做咩呀？
周星星：飲水吖嘛！話咗畀你聽架啦！

（周星星跟蹤湯茱迪）
（周星星唔小心踩爛咗乞兒仔嘅飯盒）
乞兒仔：啊！你踩我飯盒！踩我消夜！你快啲賠錢呀！
（周星星畀咗幾十文個乞兒仔）

（湯茱迪行上樓）
看更：小姐，揾邊位呀？
湯茱迪：林大嶽生約我嚟嘅。
看更：哦，請跟我嚟吖。

（看更敲門）
林大嶽：入嚟！
看更：請！
（湯茱迪行入林大嶽辦公室）
林大嶽：睇見你真系醒神呀！（將份文件交畀秘書）同我揾返上半年嘅file，我咩電話都唔聽。
秘書：系！（行出去）
（閂門）
林大嶽：請坐！
湯茱迪（坐低）：唔好講咁多廢話，要幾多錢，一次過畀返曬啲相我。
林大嶽（起身）：哎，你千祈唔好唔會呀。我林大嶽雖然就唔系好有錢。不過十億八億我都唔放在眼內。你以爲我想勒索你呀？
湯茱迪：噉好吖，你開價。
林大嶽：哎，大家咁熟，講錢就失感情。其實我想畀錢你使就真。嗱，我就查到你屋企個王百萬就肯定系假架嘞。我家嚇幫你噍低佢，一啲手尾都冇。（撩鼻）另外再畀三億你，買灣仔笪地。
湯茱迪（拍案而起）：哼！你唔好去搶？！嗰笪地值廿億架！
林大嶽：啱呀，你話過十億我都唔放在眼內，廿億就差唔多嘞。
湯茱迪：你個冚家鏟吖！
林大嶽：你唔好講粗口呀！你講粗口會破壞你喺我心目中美麗豆腐婆嘅形象架。

（湯茱迪想打林大嶽，結果畀打倒在地）
林大嶽：賤格！
湯茱迪：你？
林大嶽：你咩呀？三日後上律師樓辦手續！如果唔系攞曬你啲相去砵蘭街周街派同埋登八婆雜誌。

保安甲（拍周星星膊頭